Productivity कशी वाढवायची?

एका १६ वर्षाच्या तरुणाने मला एक खूप छान प्रश्न विचारला होता. त्याने विचारलं होतं की माझी रोजची productivity वाढवण्यासाठी मी स्वतःला कोणती सवय लावायला हवी? Productivity वाढवण्याबद्दल बरेच जणांनी आतापर्यंत प्रश्न विचारले आहेत. आजच्या ब्लॉगची संधी घेऊन मला तुमच्याशी दोन महत्त्वाच्या सवयी share करायच्या आहेत.

सर्वात पहिली महत्त्वाची गोष्ट मला सांगायची आहे की आपल्यापैकी बरेच जण झोपेला underestimate करतात. आपण ७ ते ८ तास झोपतो म्हणून आपण १६ ते १७ तास काम करू शकतो. आपल्या आदल्या रात्रीच्या झोपेच्या गुणवत्तेवर आपल्या दुसऱ्या दिवसाच्या कामाची productivity अवलंबून असते. त्यामुळे व्यवस्थित म्हणजे गाढ झोप आपल्याला मिळायला हवी. आपण वेळेवर झोपलं पाहिजे म्हणजे जर तुम्ही रात्री २ वाजता झोपून ८ वाजता उठत असाल तर तुमची ६ तासांची झोप पूर्ण तर होते पण याने productivity वाढत नाही. याचं कारण म्हणजे आपला मेंदू सूर्यप्रकाशानुसार काम करतो. आपण जर सूर्यास्त व्हायला लागला की कामं पूर्ण करून शक्य तितक्या लवकर झोपलो आणि सूर्योदयापूर्वी उठलो तर दिवसभर आपली productivity जास्त असते. आपलं शरीर आणि मन यापद्धतीने काम करण्यासाठी बनलेलं आहे.

तुम्हाला productivity वाढवायची असेल तर तुम्ही झोपेच्या बाबतीत जास्त serious व्हा. वेळेवर झोपायला हवं, वेळेवर उठायला हवं आणि कमीत कमी ७ ते ८ तास झोपायला हवं.

झोपेच्या बाबतीत serious नसल्यामुळे आपण झोपायला जाताना मोबाईल घेऊन जातो. मोबाईल बघता बघता आपण झोपायचं म्हणलं तरीही आपल्याला झोप लागत नाही कारण मोबाईलचा प्रकाश बघून मेंदूला सतत वाटत राहतं की अजून बरंच काम करायचं आहे, अजून concentration करायचं आहे. ‘अजून काम संपलं नाही’ हा संदेश मेंदूला मिळाल्यामुळे मोबाईल खाली ठेवला तरीही त्या संदेशाचा परिणाम मनावरून जायला किमान २० ते २५ मिनिटं लागतात. त्यामुळे चांगली झोप लागण्यासाठी झोपायच्या किमान १ तास आधीपासून कुठल्याच gadget चा प्रकाशसुद्धा बघायचा नाही.

आज सांगितलेल्या या २ गोष्टी तुम्ही अंमलात आणायला लागलात की तुम्हाला २४ तासात तुमच्या productivity मध्ये चांगले बदल दिसायला लागतील. नक्की करून बघा!

स्वास्थ्यपूर्ण जगण्यासाठी झोपेच्या बाबतीत serious व्हा.